-153Litterae Convocatoriae [Prot.Cor.31] Litterae Innotescentiales per Commissionem datae Anno Domini 1743. Fr Andreas Deszpot Ordinis Immaculatae Conceptionis B. V. Mariae Congregationis Polono-Marianae Vicarius Generalis. Dilecto nobis in Christo Adm. Reverendo Patri Casimiro Wyszyński Patri Congregationis, nec non Admodum Venerando Patri Assistenti, ac Reverendis Patribus Multum Venerandis Fratribus totius Conventus Corabieviensis, Salutem a Domino ac Benedictionem. Uti quondam Iacob Patriarcha, Ioseph Filium ad Fratres si bene si[n]t, et an omnia prospera successerint eis visitare misit, ita ego non quidem senectute totaliter uti Iacob Patriarcha gravatus, sed negotiis juridicis, tum aliis Conventus Goźlinensis mihi commissi variis occupatus, ac demum remotum Conventum Skurcensem in brevi spatio temporis adhuc visitare habens Admodum Reverendum Patrem Casimi- rum Wyszyński, Patrem Congregationis ad Conventum nostrum Korabieviensem Eremi Marianae cum delegata potestate mitto, committens Adm. Reverendae Paternitati quatenus eundem conventum loco mei visitet canonice, et an charitas fraterna, oboedientia Superioribus, regularis legum observantia, devotio, frequentatio chori, profectusque virtutum in illa communitate vigeat, inquiret, cui damus plenariam potestatem errata corrigere, depravata reformare nec dum [32] adimpleta ad executionem deducere, delinquentes punire et etiam si necesse fuerit cum Discretis Patribus illius conventus jurisdictione fundata ad ulteriorem decisionem nostram incarcerare, ac aliis poenis'juxsta delicti gravitatem punire. Iisdem litteris Adm. Venerandum Patrem Assistentem lmum per celebranda Congregatione die 3 Iulii in Conventu Goźlinensi ad diem 2daIulii de mane vel citius invitamus, si videbitur, et cum socio. Reverendis Patribus vero ac Fratribus omnibus illius conventus demum iisdem litteris nostris in virtute Sanctae Oboedientiae stricte praecipimus, quatenus Adm. Reverendam Paternitatem Vestram uti verum suum a nobis Delegatum Visitatorem Commissarium, cum omni humanitate, charitate, ac obsequentia suscipiant, et nemo in spatio huius temporis usque ad decisionem ex Congregatione de eadem conventu divagari audeat. Sed omnes orationibus ad Divinam Maiestatem pro felici successu ejusdem Congregationis instent, praecipue vero consuetis videlicet hymno Veni Creator Spiritus etc., cum sua collecta, ac ad Dominam nostram B. V. Mariam Defende etc., ac demum ipso die Congregationis imminente, id est tertia Iulii post Primam et Tertiam, Missa votiva de Spiritu Sancto ad eandem intentionem cantetur. Caeteri vero Patres Sacerdotes in suis Missis ejusdem S. Spiritus collecta addent, Fratres vero Clerici ac Conversi ad eandem intentionem pridie Congregationis ob reverentiam festi Dominae Nostrae Sacra se Synaxi reficiant, quam devotionem eorundem fructum Rev. P. Superior applicabit. Interim valeant in Domino, quorum piis suspiriis me reccommendo. In
RkJQdWJsaXNoZXIy MjI2Mw==