-137Assistentes et alios quibus de jure, uti Reverendos Patres Praesidentes, et non alios, secundum decisionem Capituli eiusdem Congregationis Anno Domini 1734 die 3tìa Iulii, ubi constitutum est, ut in posterum soli Patres Praesidentes sint legitimi vocales pro Capitulis Generalibus, post Admodum Reverendum Patrem Praepositum Generalem, Patres Congregationis, et Reverendos Patres Assistentes, ad eligendum novum Praepositum Generalem, quatenus hos tantum benigne invitamus; aliis autem ibidem accedendi facultatem omino interdicimus sub poenis in apostatas latis ac aliis nobis arbitrariis, illis non nisi exceptis, quibus aliqua ex causa particulari Nobis cognita accessus talis a Nobis concedetur. Volumus autem et ordinamus ad hoc Capitulum duobus saltem ante diebus Patres Vocales convenire, secundum morem antiqum. Insuper demandamus Superioribus Localibus ut totius suae administrationis Regestra accurate et fideliter connotata, et a Patribus Discretis, una cum debitis activis et passivis, a restante eleemosyna, residuoque missarum legendaram numero secum ad Capitulum deferant, iuxta Constitutinem felicissimae recordationis Urbani VIII et Innocentii XII. Pro-Praesidentes autem instituimus et declaramus institutos sub tempus Capituli, pro Conventu Eremi Marianae Multum Venerandum Patrem Casimirum Polak Lectorem Philosophiae, pro Conventu Gorensi Reverendum Patrem Dionisium Kisieliński, pro Conventu Goźlinensi Reverendum Patrem Paulum Juśkiewicz Concionatorem ejusdem conventus. Quo autem facilius, tranquilius et felicius ad laudem Dei et huius Inclitae Polono-Marianae Congregationis fructum capitulares actiones et electiones succedant, satagite Patres et Fratres Dilectissimi, quam instantissime et ferventissime ad Divinam Majestatem supplicare, in quem finem in omnibus huius Congregationis et Residentiis hymnus Veni Creator cum solitis orationibus statim a publicatione harum tam post matutinum quam post Vesperas ab omnibus debite dicatur. Ipso autem die Capituli summo mane solemniter Missa de Spiritu Sancto decantabitur, in qua Fratres Clerici et Laici omnes sacra Synaxi reficiantur. Sacerdotesque Missae sacrificium pro felici huius actus successu habebunt, quae omnia iuxta antiquam Devotionis praxim fieri volumus et ordinamus. Praeterea praecipimus ut praesentes lectas protocollo ingrassatas secundum ordinem cursoriae ad viciniores conventus remittantur. De caetero vestris Amantissimi Patres at Fratres, quos in osculo pacis cordialiter Salutamus et complectimur, ferventissimis orationibus, Sanctae Matris Ecclesiae necessitates, nostramque indignitatem impense commendamus. Paternitatum Adm. Reverendarum Reverendarum, Multum Venerandarum ac Charitatum Vestrarum addictissimus et obsequentissimus in Christo Servus. Datum in hac Nostro Conventu Eremi Marianae ad S. Michaelem Archangelum Anno Domini 1741 die 19 Iulii Fr Fulgentius Wojewódzki Commissarius et Visitator Generalis mpp.
RkJQdWJsaXNoZXIy MjI2Mw==