-133Paternitatum et Fraternitatum Vestrarum, me Vestris suspiriis intime recommendo. Datum Górae ad Sanctuarium Caenaculi Domini, A. D. 1740 die vero 10 Junii. [Fr. Casimirus Wyszyński Praepositus Generalis] [Prot.Gozl.14v] Litterae Convocatoriae Fr. Casimirus Wyszyński Ordinis Immaculatae Conceptionis Beatae V. Mariae Congregationis Polono Marianae Praepositus Generalis ac Servus, Animarum in Purgatorii poenis existentium Suffragatricis. Tandem cum triumpho ad aethereum thalamum super astra se elevante Stella Nostra Mystica Immaculatissima Virgine Maria post tot procellas et nubila coeli nobis serenare coeperunt; quapropter convenit nobis Marianis hanc Stellam sequacibus, per aliquam moram in suis cubiculis degentibus, ea duce, et umbra alarum suarum Protectrice in lucem prodire, ac se se invicem serenata fronte convenire, de tantaque exaltatione super choros Angelorum Dominae Nostrae, Congregatis nobis in simul congratulari et collaetari Adm. Reverendi, Adm. Venerandi Patres. Itaque his Innotescentialibus Litteris Nostris Adm. Reverendas, Adm. Venerandas Paternitates Vestras ad visamus nos, velle hanc Congregationem Nostram [15r] die 30 mensis praesentis in Conventu Skurcensi Canonice instituere, ad quam Adm. Reverendas, Adm. Venerandas Paternitates Vestras sub merito Sacrae oboedientiae invitamus quatenus pro die 28 ejusdem currentis saltim ad horas vespertinas quivis Admodum Vestrarum Paternitatum cui legitime competit in praedicto Conventu Skurcensi se sistat. Caeteris autem omnibus Nostrae curae pastorali subiectos ad hanc Congregationem non concurrentibus in Domino praecipimus, ut hoc spatii tempore praedictae Congregationis, nullibi sine legitima causa divagentur, sed unusquisque in suo conventu se retineat, et proprias voluntates Divinae voluntati, ac Superiorum accomodare addiscat. Ut autem prosperos successus ac Ordinationes salubres in eadem Congregatione a Domino consequi valeamus, ideo consuetas supplicationes assignamus, ut videlicet Missa Votiva de Spiritu Sancto die 30 Augusti in quolibet conventu circa horam octavam decantetur, et omnes Sacerdotes in suis missis collectam de eodem Spiritu Sancto addant, Fratres vero Clerici, et Coadjutores ad eandem intentionem praemissa Sacramentali Confessione, eodem die Augustissimo Sacramento se reficiant. His igitur sitis parituri et pro me uti suo indigno Superiori Deum placaturi, ac in Domino valete. Datum Górae in Conventu nostro Sanctuarii Coenaculi Domini, die lmo Augusti Anno Domini 1740. L. S. Fr. Casimirus Wyszyński Praepositus Generalis.
RkJQdWJsaXNoZXIy MjI2Mw==