-103Congregatio Generalis in Conventu Skurcensi a. 1736 [Prot.Cor.17] Litterae Innotoscentiales Admodum Reverendi Patris Praepositi Generalis anni 1736. Fr Bernardus Ostrowski Ordinis Immaculatae Conceptionis B. V. Mariae Congregationis Polonae Animabus Fidelium Defunctorum, et Parochorum in Cura Animarum Suffragatricis Praepositus ac Superior Generalis. Visitavit nos Oriens ex alto, unde et ego quidquid agere aggredior Admodum Reverendi, Rev., Multum Ven. Patres ac Fratres, apprime Dilecti, non mea tamen, sed huius Visitatoris Dei ordinatione, vobis in obsequium progredior, ut arctius charitas mutua cordibus nostris infigeretur, tamquam memoriale perenne in aevum, qui licet in umbrata hac reconditi sumus lege, liceat nobis adiutore Deo redire in lucem, ut cum majori emolumento et profectu, in hoc labili orbis terrarum circulo, vivere possumus, uberioremque animabus nostris (quarum mihi cura desuper commissa est) fructum afferre valeamus, proindeque hanc Sacram Visitationem inchoamus, prout nostri officii opus expostulat, tanquam rationem Deo strictissimam redituros. Ideo in hac Sacra Visitatione paterne inquiremus de bona Admodum Reverendarum Reverendarum Patrum suarum salute, charitataeque mutuae ac conversatione. Deindeque praesentes nostras Litteras Innotescentiales Admodum Reverendis, Reverendis, Mullum Venerandis Patribus suisque ac Fratribus, praecipue vero Superioribus Localibus vel eorum Vicesgerentibus, prout etiam omnibus quibus de jure est, transmittimus, [18] denuntiantes futuram nostram praesentiam ac Visitationem Canonicam, quatenus Admodum Reverendae, Reverendae, Paternitates Suae dignentur se adiutore Deo parare cum debitis eidem adiutori obligationibus, aliosve, Patres ac Fratres, qui extra conventum reperiunt, aut reperiri possunt, ad locum cuique per nos designatum convocare, quibus convocatis cum auxilio supremo inquiremus et alloquamur, utrum in hac nostra paupercula Congregatione Mariana sit bonus ordo, regularis disciplinae memoria, vitae probitas, Regulae rigor, aliarum que observationum vigor, prout nostri muneris exigit ratio, praefactis hisce litteris praecursorialibus Vestras in hoc miniere exoptamus preces tam in choro post matutinum consuetas, quam etiam Vesperas, de Spiritu Sancto et alias particulares ad designandam nobis canonicam congregationem. Ne vero harum litterarum praecursorialium sit aliquis Adm. Reverendum Rev. Paternitatum Suarum ignarus aut exculpans obligamus omnes Superiores quam primum eas reciperint Admodum Reverendis Reverendis Patribus suis ac Fratribus apprime dilectis ad mensam canonicam publicare et explicare verbum de verbo, postea vero nobis hoc omnia contenta in fibrum eo fine praeparatum ingrossare, et de conventu ad conventum juxta ordinem foris notatum transmittere. Nunc vero praemissis his valeant in Domino, Deum pro nobis exorantes.
RkJQdWJsaXNoZXIy MjI2Mw==