90 APPENDIX – LATIN READINGS et grátia magna erat in ómnibus illis. Neque enim quisquam egens erat inter illos; quotquot enim possessóres agrórum aut domórum erant, vendéntes afferébant prétia eórum quæ vendébant, et ponébant ante pedes Apostolórum; dividebatur autem síngulis, prout cuíque opus erat. Verbum Dómini. PSALMUS RESPONSORIUS Ps 15, 1-2a et 5. 7-8. 11 ℟. (cf. 5a) Tu es, Dómine, pars hereditátis meæ. Vel: ℟. Allelúia. Consérva me, Deus, quóniam sperávi in te. Dixi Dómino: « Dóminus meus es tu. Dóminus pars hereditátis meæ et cálicis mei: tu es qui détines sortem meam ». ℟. Tu es, Dómine, pars hereditátis meæ. Vel: ℟. Allelúia. Benedícam Dóminum qui tríbuit mihi intelléctum; ínsuper et in nóctibus erudiérunt me renes mei. Proponébam Dóminum in conspéctu meo semper, quóniam a dextris est mihi, non commovébor. ℟. Tu es, Dómine, pars hereditátis meæ. Vel: ℟. Allelúia. Notas mihi fácies vias vitæ, plenitúdinem lætítiæ cum vultu tuo, delectatiónes in déxtera tua usque in finem. ℟. Tu es, Dómine, pars hereditátis meæ. Vel: ℟. Allelúia.
RkJQdWJsaXNoZXIy MjI2Mw==