4 FEBRUARII 83 DIE 4 FEBRUARII SANCTÆ IOANNÆ VALESIÆ, RELIGIOSÆ MEMORIA LECTIO PRIMA Prov 31, 10-13. 19-20. 30-31 Mulier timens Dominum ipsa laudabitur. Léctio libri Proverbiórum Mulíerem fortem quis invéniet? Procul et de últimis fínibus prétium eius. Confídit in ea cor viri sui, et spóliis non indigébit; reddet ei bonum et non malum ómnibus diébus vitæ suæ; quæsívit lanam et linum et operáta est consílio mánuum suárum. Manum suam misit ad fórtia, et dígiti eius apprehendérunt fusum; manum suam apéruit ínopi, et palmas suas exténdit ad páuperem. Fallax grátia et vana est pulchritúdo, múlier timens Dóminum ipsa laudábitur. Date ei de fructu mánuum suárum, et laudent eam in portis ópera eius. Verbum Dómini.
RkJQdWJsaXNoZXIy MjI2Mw==