236 Die 5 novembris Commemoratio omnium defunctorum Congregationis Memoria Ant. ad introitum Réquiem ætérnam dona eis, Dómine, et lux perpétua lúceat eis. Cf. 4 Esdr 2, 34-35 COLLECTA Præsta, quǽsumus, omnípotens Deus, ut ánimæ famulórum tuórum, confrátrum nostrórum Marianórum, qui pro Christi amóre perféctæ caritátis viam percurrérunt, in advéntu glóriæ tuæ læténtur, et cum frátribus suórum de regni tui beatitúdine gáudeant sempitérna. Per Dóminum nostrum Iesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum. SUPER OBLATA Huius sacrifícii, Deus, oblatióne suscépta, da fámulis tuis, confrátribus nostris defúnctis Mariánis, abundántiæ Christi divitiárum esse partícipes, ut cum eódem Fílio tuo resuscitári váleant et ad eius déxteram collocári. Per Christum Dóminum nostrum. PRÆFATIO I DE DEFUNCTIS De spe resurrectionis in Christo ℣. Dóminus vobíscum. ℟. Et cum spíritu tuo. ℣. Sursum corda. ℟. Habémus ad Dóminum. ℣. Grátias agámus Dómino Deo nostro. ℟. Dignum et iustum est.
RkJQdWJsaXNoZXIy MjI2Mw==