991 verbum vi Unius Dominici Loricati165 piam ac salutarem in se crudelitatem, qui una quadragesima tres milliones ictuum sibi narratur inflixisse, quis non obstupescat?166 Institit huius Loricati vestigiis (quemadmodum recens author asserit) egregius Dei Servus P. Gaspar Drużbicki, Polonus, in S.I. non minus vitae sanctimonia quam doctrina honoribusque illus- tris167: cum interdum, praesertim vitam agendo privatam, diversis diei et noctis temporibus ad quindecim millia percussionum cum rasuris ferreorum pectinum et hemisphaerae aculeatae puncturis, pervenerit168. Novi et ego virum, primum in Scholis Piis Polonum, patria Pos- naniensem169: cuius ab obitu repertus est paries cubiculi sanguine respersus170: tam serio suum in corpus extra ordinem animadvertebat. Idem expergefactus integrum Rosarium pansis brachiis devotissime solebat percurrere: sacras literas nonsisi genu flexo volvebat: nunquammihi risisse visus, orasse perpetuo: recollectissimus et obedientissimus. Et tamen hic talis poenitentiae amator constantissimus ad meliorem vitam transiturus tremebat ob abyssum iudiciorum Dei171. 165 Cf. Cecchetti Igino, Domenico Loricato, santo, Camaldolese († 1060), in: ECat IV, 1832; Cacciamani G., Domenico Loricato: BS IV,687. 166 Cf. Pawłowski Daniel, S.J., Vita P. Gasparis Drużbicki, Poloni, S.J., Cracoviae 1670, p. 145, ubi auctor in luce eorum, quae narrat “B. Petrus Damianus, vitam Sancti Dominici Loricati descripturus”, ita computat: “Illa vero vice, quando impetravit, et explevit per Quadragesimam, mille annorum poenitentiam, inflixit sibi ictuum 3000000 – tres milliones”. 167 De Gaspare Drużbicki SJ (1590-1662) cf. TDM, c. XIX, no. 165. 168 Est informatio sumpta quasi ad verbum e dicto libro Danielis Pawlowski, S.J. (1628-1673), p. 145, uti pars capitis IX: Mortificatio exterior, seu afflictatio proprii corporis, adhibita a patre Gaspare (pp. 140-167). 169 Sermo est hic de p. Casimiro Bogatko, SP, († 1650); cf. Positio, p. 25, nota 22; p. 259, nota 31. Papczyński cum eo in eadem Domo per quasi unum annum (16491650) habitavit, quando Podolinii in Collegio Scholarum Piarum cursum Syntaxae frequentabat; cf. ibid., pp. 17-18. 170 Papczyński hoc propriis oculis videre potuit, quia p. Bogatko die 7 Maii 1650 Podolinii mortuus est, et Papczyński Podolinio uti videtur die18 Maii 1650 profectus est; cf. Positio, p. 13, no. 35. 171 Omnia haec plane in documentis confirmantur, cf. Liber Suffragiorum Podolinensis 1650-1769, p. 1: Archivum Scholarum Piarum Cracoviae, ubi inter alia de Casimiro Bogatko legitur: “Primus inter Scholas Pias Polonus, ex Palatinatu Pos-
RkJQdWJsaXNoZXIy MjI2Mw==