62 norma vitae Itaque surgentes paulo post mediam noctem, signo altero dato ad ecclesiam confluetis et per illam stropham “Tantum ergo Sacramentumb” etc. Sanctissimum adorabitis. b om. (NVC) Deinde officiolum immaculatae Conceptionis B.Virginis Mariae usque ad Nonam inclusive, secundumc correctionem Romanam57 det approbationem Innocentii XI per breve ad augustissimum imperatorem Leopoldum I anno 1678 die 18 decembris missumd58, cum prima parte Rosarii, patria voce propter Fratres Coadiutores devote, distincte, attente, clare persolvetis. Postmodum horam orationi mentali dabitis; qua finita benedictionem a Superiore cum aqua lustrali accipietis. c “iuxta” (NVC) d-d om. (NVC) 2. Ab hora sexta matutina usque ad nonam lectioni, studiis, laboribus ad praescriptum Superioris vacabitis; media nona nocturnum diei cum Laudibus officii defunctorum recitabitis. Hora decima sit Missa conventualis, undecima examen conscientiae cum reflexione animi ad quatuor novissima et litaniis de Nomine Iesu 57 In primis mensibus anni 1679 textus officioli immaculatae Conceptionis B.V.M. correctus est Romae a Commissione instituta a Papa Innocentio XI per motu proprio. Eodem anno istud officiolum typis datum est Lucae secundum dictam correctionem Romanam. Cf. Ceyssens Lucien, Le Petit Office de l’Immaculée Conception: Prétendue Approbation, Condamnation (1678), Tolérance (1679), in: Virgo Immaculata XVII, Romae 1957, pp. 105-106. 58 Per hoc breve die 28(!) decembris 1678 emanatum, Innocentius XI non concessit ullam approbationem officioli immaculatae Conceptionis B.V.M., sed solummodo respondit ad litteras ad eum ab Imperatore Leopoldo die 4 novembris 1678 directas, dando explanationem circa significatum prohibitionis huius officioli (cum decreto die 17 februarii 1678 dato). Verum est quod Innocentius XI in isto breve dicit, inter alia: “Sub ea autem prohibitione non comprehenditur illud officium [de Immaculata Conceptione B.V.M.] quod ab antiquissimo tempore huius Sanctae Sedis permissu in Ecclesia recitatur”, sed his verbis is non approbat ullo modo officiolum (i.e. officium parvum) Immaculatae Conceptionis, quia ibi sermo est de officio (grande) Immaculatae Conceptionis. Itaque Officium parvum Immaculatae Conceptionis Beatissimae Virginis Mariae correctum, Lucae anno 1679 typis datum est sine ulla approbatione Pontificia, ac proinde erat a S. Sede solummodo permissum et toleratum. Cf. idem, ibid., pp. 91-106. 108-109. 115117. 121.
RkJQdWJsaXNoZXIy MjI2Mw==