1229 litterae ad marianos in eremo corabieviensi Sacrae Literae, Speculum parvum Religiosorum329, Exemplorum Liber et piorum SS. Coadiutorum, tum de imitatione Christi, quotidie silentibus universis, nec unquam hoc silentium Vicario dispensante in mensa meridiana et vespertina ad Instructionem spiritus et profectum in virtutibus distincte perlegentur330. 9. – Sacrum diebus Dominicis et Festivis cantabitur more nos- tro. Litaniae vero Lauretanae, aut de Nomine Iesu in ferialibus tempore lectae Missae ab omnibus recitabuntur pro nostra Congregatione. 10. – Communis flagellatio, quam vulgo disciplinam vocant, feria secunda, quarta et sexta in communi per PsalmumMiserere et De profundis habebitur, privatim quotidie surgendo et decumbendo pie recommendamus331. Exercitium manuale tametsi brevissimum nunquam intermittetur. 11. – Denique omnibus vobis amorem in Deum, devotionem in Virginem Electissimam et SS. Patronos, mutuam Charitatem, pacem, concordiam, votorum Sanctorum custodiam, studium ferventis orationis et solidae mortificationis, humilitatem, patientiam, gratitudinem, et in Sancta vocatione cum adiutorio Dei perseveratiam ardenter commendamus, atque vestris orationibus me miserum senem Domino Deo iugiter commendare non intermittatis vehementer obsecramus. Datum in Caenaculo Domini Neoierosolymitano. Die 19 Aprilis 1690. Locus Sigilli. Indignus Servus vester in Domino Stanislaus a Iesu Maria mpp. 329 Agitur de libro sub hoc titulo Cracoviae typis anno 1689 dato editore F. Ferdinando Ohm, alias Januszowski, O.P. Cf. Positio, p. 485, no. 12. 330 Cf. NV, c. VI, nn. 2. 5 (Positio, pp. 474-475). 331 Cf. NV, c. IV, n. 6 (Positio, p. 471).
RkJQdWJsaXNoZXIy MjI2Mw==