DECRETA - ORDINATIONES CAPITULORUM CONGREGATIONUMQUE GENERALIUM M.I.C. 1702-1999 [Protocollum Ordinis 157] Liber quartus De Capitulis huius Congregationis et Ordinationibus in ipsis factis. Postquam iuvante Deo eiusque piissima Matre solemnium votorum professionem emiserit in manibus Nuntii Apostolici Venerabilis Pater Stanislaus a Iesu Maria, brevi in manus Domini recommendata anima fatiscessit, Anno Domini 1701 die 17 Septembris, Patrem Ioachimum a S. Anna successorem declaravit iliique regimen Congregationis suae consignavit. Quod ut meliori modo et more aliarum religionum stabiliatur, supplicatimi est per Patrem Ioachimum a S. Anna nomine totius Congregationis tum Nuntio Apostolico, tum Admodum Reverendo Patre Alexio Koralewicz Ordinis Minorum Reformatorum in Maiori Poloniae S. Antonii Ministro Provinciali cum suo Venerabili Disquisitorio, ut canonica electio novi Praepositi Generalis, Praesidente Commissario ex Ordine Minorum instituatur, quod feliciter peractum est, ut patebit capite secundo, nunc capite primo antiquas innotescentias et ordinationes. Puncta Commissionis Episcopalis a. 1685 [Prot.Ord.157] Caput lmum. Anno Domini Millesimo Sexcentesimo Octuagesimo Quinto die vero decima quarta Iunii Nos infrascripti Commissarii et Iudices ad componendas certas differentias inter Admodum Reverendum Patrem Stanislaum a Iesu Maria Congregationis Immaculatae Conceptionis Clericorum Recollectorum et eius subditos Sacerdotes et Clericos in Caenaculi Domini Neoierosolymitano degentes, a Perillustri et Reverendissimo Domino Nicolao Stanislao Święcicki Abbate Tremesnensi Decano Posnaniensi, Scholastico Vicario in Spiritualibus et Officiali Varsaviensi, ac per Ducatum Mazoviae Generali, ex mandato Illustrissimi et Reverendissimi Domini Stephani de Magna Chrząstów Wierzbowski Dei et Apostolicae Sedis gratia Episcopi Posnaniensi Deputati, notum facimus omnibus et singulis ad quos pertinet aut in futurum pertinebit: Quia Nos ad dictum Caenaculum Domini supra nominato die et anno descendentes Iurisdictione Nostra fundata Commissioneque admissa auditis utriusque partis rationibus et differentiis iisque bene examinatis ac perpensis solum Deum prae oculis ipsiusque iustitiam habentes, ne deinceps quidquam turbationum in hac Domo oriatur, haec puncta decernenda observanda duximus, uti in Nomine
RkJQdWJsaXNoZXIy MjI2Mw==