-67731. P. Ladislaus Gurgul - Missione Brasiliana: 32. P. Andreas Krzymyczek Romae, die 13 aprilis an. 1981 Decreta Capituli Generalis 1981 1. Capitulum Generale commendat Superiori Generali eiusque Consilio, ut sub eorum directione sint typis editi maioris momenti e historia Congregationis nostrae fontes, qui charisma et spiritualitatem Marianorum respiciunt. (Sess. X,2) 2. Sub cura Superioris Maioris respective tempestive colligere notitias de vita iuvenis sacerdotis Virgilii Jaugelis MIC (+1980) noti extraordinariis, virtutibus, pro eventuali introductione eiusdem Causae beatificationis. (Sess. X,3) 3. Unaquaque Provincia et regio accomodet in propria lingua "Manuale Rituum Marianorum" iuxta "Manuale Rituum" Romae anno 1963 editum et "Ordinem Professionis Religiosae" emendatum submittatque illud ad confirmandum a Consilio Generali in spatio unius anni temporis. (Sess. XVII,3) 4. Ad cultum Sanctissimae Eucharistiae in nostra Congregatione unificandum, instructiones a S. Congregatione pro Cultu Divino promulgatae stricte observentur, nisi adsint speciales instructiones a Conferentiis Episcopalibus datae. (Sess. XVIII,1) 5. Ad eliminandos abusus saepe saepius irripientes contra evangelicam paupertatem (cf. par. 73, 76, 77) Capitulum Generale admonet sodales, tam Superiores quam subditos, ut in Divina Providentia spem ponendo atque caritatem fraternam corroborando, testimonium fidelitatis erga vota emissa magnanimiter in vita sua exprimant. (Sess. XVIII,2) 6. Litterae Circulares a P. Generali cum suo Consilio ad omnes'sodales marianos scribantur, in quibus maior fidelitas in vita religiosa, oratione, observantia votorum paupertatis et oboedientiae, necnon unitas, disciplina ac mutua relatio in spiritu caritatis unioque inter subditos enixe commendatur. (Sess. XVUI,2) Recommendationes Capituli Generalis 1981 1. Capitulum Generale Congregationis CC. RR. Marianorum recommendat singulis Provinciis, ut 30-mum Anniversarium mortis piae memoriae Episcopi Francisci Bućys, olim per multos annos Superioris Generalis Congregationis nostrae, sollemniter in eis commemoretur in modo ab ipsis determinando. (Sess. XI,2)
RkJQdWJsaXNoZXIy MjI2Mw==