-619solvendi foenus temporibus statutis usque ad mortem oblatoris ("annuities", "deposita"). Talia deposita nonnisi cum permissione S. Sedis et sub condicionibus ab ea statutis accipi possunt (Vide: Litt. Delegati Apostołki in Statibus Foederatis Americae Septentrionalis 13 Nov. 1936). Si aliquae irregularitates hac in re adessent, quam citius corrigantur. Curiae Generalis et Provinciis exclusivum ius est huiusmodi deposita accipiendi. c) Deposita sine gravamine (const, n. 556) et cum expressa promissione ea non assumendi, nisi benefactor in egestatem aliaque id genus incidisset, non considerantur debita stricto sensu. Attamen usus huiusmodi depositorum ante mortem benefactoris, nisi impenderetur pro immobilibus vel titulis, prohibetur. 38. De contributo Curiae Generali: - Contributio provinciarum pro sustentatione Curiae Generalis at pro operibus in Congregatione prosequendis pro unaquaque provincia iudicio Superioris Generalis eiusdem Consilii, auditis Provincialibus eorumque Consiliis, determinetur. 39. De debito Curiae Gen. erga Prov. Amer. S, Casimiri: - Debitum Curiae Generalis erga Provinciam Americanam S. Casimiri, occasione emptionis aedificii domus Romanae contractum et nondum solutum, in statu quo ante, id est suspensum, remaneat. [8] 40. De debitis provinciarum Curiae Generali: - Debita Provinciarum erga Curiam Generalem, propter impossibilitatem nondum soluta, remaneant suspensa et non appareant in statu oeconomico annuali Curiae Generalis. 41. De documentis proprietatis et inventario: - Exigatur ex Provinciis, ut tum inventaria bonorum, tum transcripta documentorum ius proprietatis singularum domorum demonstrantium, tum etiam delineamenta proprietatis, ad Curiam Generalem mittentur (Decr. 7 Cap. Gen. an. 1939). 42. De relatione oeconomica pro futuro Capitulo: - Oeconomus Generalis tabulas computorum accepti et expensi ac statum oeconomicum tum Curiae Generalis, tum domorum Superiori Generali immediate subiectarum necnon provinciarum in futuro opere machinario multiplicatas omnibus Capitularibus initio Capituli Generalis porriget. VI. De variis rebus 43. De ephemeride "Marianus": - "Ephemerides Marianus" regulariter edenda est a Curia Generali, quae de novis dispositionibus S. Sedis, de vita, historia, spiritualitate et activitatibus totius Congregationis agat. Secretariorum Provincialium
RkJQdWJsaXNoZXIy MjI2Mw==