-469repleas regiones, et regna fragrantia sanctificationis et justitiae. Sicque effecti et perseveraturi, feliciorem et tranquilliorem reddetis nostrum desiderabilem succcessorem. Pro cuius canonica electione in Collegio nostro Resnensi ad Sanctam Annam celebranda diem 14 mensis Septembris anni currentis decernentes et indicentes, appellamus majores natu de Ordine Sacro vocem habentes, scilicet Adm. Reverendos Patres Ordinis, uti emeritissimos Definitores, tum Adm. Venerandos PP. Assistentes, quibus de jure et consuetudine convenit, quorum pro die 11 dicti mensis et anni, item Reverendos PP. Praesidentium actualium pro 13, horis a meridie consuetis summo desiderio expectabimus praesentiam. Omnibus aliis numeri Ordinis religiosis cuiuscunque dignitatis et conditionis sub quovis colore ad locum Capituli sub poena apostasiae ipso facto incurrenda, interdicto aditu; nisi fors specialiter a nobis vocatus fuerit, licentiamque in scripto obtinuerit. Praemonemus autem in Domino dictos ad Locum Capituli convolantes desideratos Patres, ut iter suum iuxta sonantiam religiosae vitae, omni cum modestia et exemplaritate perficiant, impendantque discessuri e suis collegiis omnem curam providendis necessitatibus suorum collegiorum a se administratorum, in quorum absentia PP. Vicepraesidentes pro legitimis Superioribus habere intendimus et volumus, quibus omnes absque ullo effugio oboedientiam praestare, eos observare tenebuntur. Oneramus invicem conscientiam PP. Discretorum et Lectorum, ut illi authenticum de Regimine Superiorum Localium, sancta et exemplari vita, administratione sincera boni communis, de activis et passivis debitis, exsolutione religiosae et domesticae familiae, de charitate fraterna, illi de profectu et qualitatibus studiorum exhibeant obsigillatum testimonium. Caeterum vetamus sub rigore sacrae oboedientiae anathematisque SS. Pontificum, inhabilitatisque, ad alia officia imposterum obtinenda, ne quis praesumere audeat sive directe sive indirecte ab extraneis cuiuscunque gradus et dignitatis, sive pro se sive pro alio impetrare et procurare suffragia et intercessiones, ut eligatur in officia vel in iis permaneat, cum non audientur, neque acceptabuntur; et quod, si quis tales receperit et ostenderit, hoc ipso pro tali habebitur transgressore. Ut autem haec Sacri Ordinis Generalis novi praelati electis a nutu pendeat Divinissimi Spiritus, omnes Venerabiles Patres vocem habentes animadvertant, non habere esse acceptatores personarum, sed speculatores virtutis, probitatis, perfectionis, doctrinae sanae, vitae irreprehensibilis, utilitatis, propagationis huius sacri sodalitii. Intimentque et praecipiant a Festo S. Annae omnibus implorandum esse Divinum Numen solitii suffragiis hymni, nempe Veni Creator cum oratione Deus, qui corda, Deus, qui per Immaculatam, et Deus, qui miro Ordine Angelorum, ad ipsam usque diem electionis, et in ipso die debere cantari unam in quolibet collegio Missam votivam de Spiritu Sancto, a caeteris reliquis Sacerdotibus reassumi collectam eiusdem votivae, ab omnibus vero nullo dempto, confessio et sacra Synaxis peragi et communicari, ad cuius mandati specialiorem effectum impertimur. Omnibus confessariis, dummodo sint approbati, a casibus nobis reservatis hac
RkJQdWJsaXNoZXIy MjI2Mw==