-271revocent, ut possem cuilibet os ad os loqui. Decernimus vero Congregationem Annualem in Conventu nostro Rasnensi die 28 Iunii, ad quam legitime celebrandum (prout de jure competit) humanissime invito Adm. Reverendum Patrem Congregationis, Adm. Venerandos Reverendos Assistentes, ut sistant se in praedicto conventu duobus diebus ante actum Congregationis, hoc est vigesima sexta Iunii. Aliis ibidem accessus omnino interdicitur sub poenis nostro arbitrio ferendis. Volumus autem ut rejestra perceptarum, expensarum accurate ac fideliter connotata, et a Patribus Discretis semper post quadrantem anni subscripta nobis transmittantur ad videndam fidelitatem Superioris Localis et depositarii. Item juramenta de absolvendis missis, et resignationem suae Praesidentiae quilibet Superior Localis, ut transmittat, recommendatur. Patribus Lectoribus tam Sacrae Theologiae, Philosophiae, quam Moralis etiam recommendatur, ut capacitatem suorum sibi [63v] concreditorum studiosorum per testimonia conscientiose nobis adhibeant in scripto sigillato, ut sonant Ordinationes Capitulares. Item curabunt Rev. Patres Superiores Locales, Patres ac Fratres facta intimatione visitationis meae quoad redditionem habitus et aliorum necessariorum unicuique secundum Puncta Capitularia, quam etiam familiam domesticam, ne turber querelis tempore illo. Ut autem hae litterae meae omnibus innotesceant, curabunt Rev. Patres [Superiores] Locales eas tempore mensae legere, ad intelligentiam unicuique explicare, et ad librum ad id paratum ingrossare, tandem subscribendo se in his Innotescentialibus meis intus de facta lectione, et ingrossatione, per fidelem cursorem sine mora ad proximiorem conventum has meas patentales transmittant, in cooperto sigillato cum subscriptione ad Superiorem proximioris conventus. Praeterea bibliothecam et sacristiam juxta regestra bene compositas adinveniam. Et quoniam haec visitatio absque Divino adjutorio fieri nequeat, quapropter pro meliori incremento Congregationis et uniuscuiusque desiderio facta publicatione in dies Divina Majestas mane post Tertiam tempore conventualis Missae Vesperi vero finito Matutino per Hymnum Veni Creator Spiritus cum versu et Oratione, nec non de Immaculata Conceptione Defende, quaesumus etc. exorari, tempore vero Actus Congregationis quilibet Superior Localis curabit Missam votivam de Spiritu Sancto decantari, et omnes Sacerdotes in suis privatis Missis collectam apponant de eodem Spiritu Sancto, Fratres vero Clerici et Laici confitebuntur et sub eadem Missa Sacram Synaxim Sument, ut Deus benedicere dignetur huic Actui. Vedete in Domino, et pro me peccatore orate. Datum in Conventu Nostro Korabioviensi ad S. Michaelem Archangelum die 22 Maji Anno 1756to. L. S. Fr Cajetanus Wetycki Praepositus Generalis PP. Marianorum mpp..
RkJQdWJsaXNoZXIy MjI2Mw==