-8quantitas (excepto victu et vestitu Nostrorum) absque scitu nostro dispensetur, vel autem proprietatis scelere declarantur innodati, si qui (quod Deus avertat) aliquid pecuniae apud se, vel alibi retinere ausi fuerint. 8vum. Capitula culparum (quas etiam quotidie accedentes mensam ingenue fateri debent) singulis feriis sextis; communis autem flagellatio feria secunda, quarta et sexta habeatur3. 3 Prot. Goźl. in fine habet punctum sequentem: "Faeminae ad domum et curritorium non admittantur, loco autem Directoris vetus vitae norma servetur. Stanislaus a Iesu Maria indignus Praepositus mpp. Synopsis Regulae Imitationis Decem Virtutum Beatissimae Mariae Virginis - a. 1701 [Prot.Ord.170] Anno Domini 1705 in festo S. Annae fuit solemnis introductio Sacrarum Reliquiarum in Eremo S. Iucundae et Columbae Virginum et Martyrum cura Admodum Reverendi Patris Praepositi Generalis in magna frequentia populi. Pater Casimirus a Sancto Philippo Nerio illas salutavit ad figuram Immaculate Conceptae B. M. Virginis (quam ad viam Loviciensem Magnificus ac Generosus Dominus Bonaventura Niewiadowski cum Sua Consorte curavit extruere Anno Domini 1703). Reverendus vero Mansuetus Leporini Lector in templo panegirica concione condecoravit praesente magno nobilium concursu. Hic Pater Mansuetus per biennium manens in Eremo pro meliori Regulae memoria Decem Beneplacitorum illam Reverendis Patribus et Fratribus synoptice collegit nihil addendo vel minuendo sola veritate Dei Ter Optimi Maximi attestante cuius tenor talis sequitur. [Prot.Ord.170] In Nomine Iesu Christi Crucifixi. Synopsis Regulae Imitationis Decem Virtutum B. M. Virginis, Cui sanctae memoriae Romani Pontifices Alexander Sextus, Iulius Secundus et Leo Decimus approbationem Apostolicam sunt impertiti. Quam Ordo Immaculatae Conceptionis Polonae Defunctorum et Parochorum Suffragatrix suscepit per aggregationem a Reverendissimo Ministro Generali totius Ordinis Fratrum Minorum de Observantia ad Instantiam praefati Ordinis Immaculatae Conceptionis transmissam, una cum Brevi Apostolico felicissimae recordationis Innocentii Papae Duodecimi, his omnibus visis subscriptis et Sigillo Nuntiaturae Apostolicae munitis Anno Domini 1701 Die 6la Mensis Iunii in Polonia Varsaviae.
RkJQdWJsaXNoZXIy MjI2Mw==