-124Fr Andreas Deszpot Pater Congregationis Praesidens Goźlinensis Fr Bernardus Ostrowski Expraepositus mpp. Fr Casimirus Wyszyński Praepositus Generalis Fr Franciscus Kowalski Reformatorum Praeses Capituli Fr Andreas Deszpot P. Congregationis mpp. Fr Bernardus Ostrowski Expraepositus mpp. Fr Casimirus Wyszyński Praepositus Generalis Fr Franciscus Kowalski Reformatorum et Praeses Capituli mpp. Litterae Pastorales [ProtCorab.23] Litterae Innotescentiales Adm. Reverendi Patris Praepositi Generalis Neoelecti. Fr Casimirus Wyszyński Ordinis Immaculatae Conceptionis Beatissimae Virginis Mariae Congregationis Polonae Marianae Praepositus Generalis et Servus. Siquidem Omnipotens cui proprium est de stercore erigere pauperem, et collocare cum principibus, me indignum per unanimem consensum totius Venerabilis Assessorii capitularis, pro suscipiendo pastorali onere, citra vocem clamantis in deserto, ad parandam salutis Vestrae viam, e deserto evocavit, et ad rectas faciendas semitas ejus, munus Praepositurae hujus nostrae Sacrae Congregationis, instinctu Spiritus Sancti, portare mandavit; atque ad obtemperandum in hoc [24] voluntati suae Divinae, vestra quoque corda inclinavit. Igitur satisfaciendo huic muneri meo, paratum me ad obsequia Vestra his innotescentialibus denuntio; et ut ad adventum Iesu Christi Iudicis nostri parati, puri, et justi inveniamur, per viscera misericordiae Ejus Paterne Vos obtestor; omnemque religiosam observantiam, Superiorum reverentiam, charitatem fraternam, executionem praeteritorum et moderni Capituli Ordinationum, intime recommendo, et ut rite et legitime hoc munus mihi injunctum obire valeam, piis in suis orationibus mei quoque peccatoris mementote; ac in Domino valete. Datum in Conventu Skurcensi die 23 Decembris Anno Domini 1737. Fr Casimirus Wyszyński Praepositus Generalis mpp. [Prot.Ord.243] Litterae ad Ministrum Generalem Reverendissime in Christo Pater ac Superior Colendissime. Seraphicus Reverendissime Paternitatis erga Immaculatam Conceptionem amor animum stimulat meum ut cum profundissimo Venerationis cultu pro destinato ad celebrandum Capitulum Nostrum Adm. Reverendo Patre Commissario Patre Franciscio Kowalski Custode Provinciae Majoris Poloniae summas queam agere grates, quod sub eius maximo cum emolumento Congregationis Nostrae peractum
RkJQdWJsaXNoZXIy MjI2Mw==