-90Congregatio Generalis in Conventu Goźlinensi a. 1733 [Prot.Cor.7] Litterae Innotescentiales Admodum Reverendi Patris Praepositi Anni 1733 de die 5 Iunii. Bernardus a S. Nicolao Ordinis Immaculatae Conceptionis B. V. Mariae Congregationis Polonae Animabus Fidelium Defunctorum, ac Parochorum in Cura Animarum Suffragatricis Praepositus ac Superior Generalis. Quoniam Suprema Dei Providentia, in qua vivimus et movemur, et sumus, de imbecillitate virium Nostrarum trepidantes, ad gubernandum hanc pauperculam Congregationem Nostram et onus, Angelicis etiam humeris formidandum extulerit, ideo Nos volentes eam prius firmiori corroborare consilio, quam opere. Litteris Innotescentialibus notam facimus Visitationem Canonicam, Admodum Reverendis Multum Venerandis Patribus, praecipue Superioribus Localibus vel eorum vices gerentibus, prout etiam omnibus, quibus de iure his praefatis significamus, prout Nostri muneris ratio id exigit, utrum in nostra Religione sit continua regularis observantiae memoria, claustralis disciplina, Regulae rigor, Constitutionum vigor ordinariique quotidiana exercitatio, Decretorum Summorum Pontificum diligens conservatio, animorum unitas, conscientiae puritas, internae charitatis iuvamen, in conventibus assidua sedulitas et devotio pia, tempestiva in regestris, tam perceptarum quam expensarum peccuniarum praeparatio, nec non ecclesiasticarum supellectilium, eodemque modo Reverendis Patribus Praesidentibus vel eorum locum tenentibus recommendamus, ut omnes Patres ac Fratres extra conventum existentes ad locum sibi designatum convocentur, quibus convocatis ita ut possimus facie ad faciem se videre et alloqui, sub poenis nobis in futura visitatione arbitriis, quibus praefatis Vestras in hoc negotio exploramus preces tam in choro consuetas post Matutinum et Vesperas de Spiritu Sancto, quam alias particulares usque ad designandam Nobis Congregationem. Ne autem harum Innotentialium ignorantiae qui excuset, tenentur omnes Superiores, quam primum eas receperint Patribus ac Fratribus publicare, explicare, ac postea omnia hic contenta in fibrum eo fine praeparatum inscribere, deinde de conventu ad conventum juxta ordinem foris notatum transmittere. Valete in Domino, Deum pro Nobis misericorditer orantes. Datum in Conventu Skurcensi 5 Iunii Anno Domini 1733. Fr Bernardus a S. Nicolao Praepositus Generalis Congregationis mpp.
RkJQdWJsaXNoZXIy MjI2Mw==