15 FEBRUARII 87 PSALMUS RESPONSORIUS Ps 88, 2-3. 4-5. 21-22. 25 et 27 ℟. (cf. 2a) Misericórdias tuas, Dómine, in ætérnum cantábo. Misericórdias Dómini in ætérnum cantábo, in generatiónem et generatiónem annuntiábo veritátem tuam in ore meo. Quóniam dixísti: « In ætérnum misericórdia ædificábitur », in cælis firmábitur véritas tua. ℟. Misericórdias tuas, Dómine, in ætérnum cantábo. « Dispósui testaméntum elécto meo, iurávi David servo meo: Usque in ætérnum confirmábo semen tuum, et ædificábo in generatiónem et generatiónem sedem tuam ». ℟. Misericórdias tuas, Dómine, in ætérnum cantábo. « Invéni David servum meum; óleo sancto meo unxi eum. Manus enim mea firma erit cum eo, et brácchium meum confortábit eum. ℟. Misericórdias tuas, Dómine, in ætérnum cantábo. Et véritas mea et misericórdia mea cum ipso et in nómine meo exaltábitur cornu eius. Ipse invocábit me: Pater meus es tu, Deus meus et refúgium salútis meæ ». ℟. Misericórdias tuas, Dómine, in ætérnum cantábo.
RkJQdWJsaXNoZXIy MjI2Mw==