22 OCTOBRIS 109 ALLELUIA Io 10, 14 ℟. Allelúia, allelúia. Ego sum pastor bonus, dicit Dóminus; et cognósco oves meas, et cognóscunt me meæ. ℟. Allelúia, allelúia. EVANGELIUM Io 21, 15-17 Pasce agnos meos, pasce oves meas. ✠ Léctio sancti Evangélii secúndum Ioánnem Cum manifestásset se Iesus discípulis suis et prandísset cum eis, dicit Simóni Petro Iesus: « Simon Ioánnis, díligis me plus his? » Dicit ei: « Etiam, Dómine, tu scis quia amo te ». Dicit ei: « Pasce agnos meos ». Dicit ei íterum secúndo: « Simon Ioánnis, díligis me? » Ait illi: « Etiam, Dómine, tu scis quia amo te ». Dicit ei: « Pasce agnos meos ». Dicit ei tértio: « Simon Ioánnis, amas me? » Contristátus est Petrus, quia dixit ei tértio: « Amas me? », et dixit ei: « Dómine, tu ómnia scis, tu scis quia amo te ». Dixit ei: « Pasce oves meas ». Verbum Dómini.
RkJQdWJsaXNoZXIy MjI2Mw==