5 OCTOBRIS 99 DIE 5 OCTOBRIS SANCTÆ FAUSTINÆ KOWALSKA, VIRGINIS MEMORIA LECTIO PRIMA Eph 3, 14-19 Scire supereminentem scientiæ caritatem Christi. Léctio Epístolæ beáti Pauli apóstoli ad Ephésios Fratres: Flecto génua mea ad Patrem, ex quo omnis patérnitas in cælis et in terra nominátur; ut det vobis secúndum divítias glóriæ suæ virtúte corroborári per Spíritum eius in interiórem hóminem; habitáre Christum per fidem in córdibus vestris, in caritáte radicáti et fundáti, ut valeátis comprehéndere cum ómnibus sanctis quæ sit latitúdo, et longitúdo, et sublímitas, et profúndum; scire étiam supereminéntem sciéntiæ caritátem Christi, ut impleámini in omnem plenitúdinem Dei. Verbum Dómini.
RkJQdWJsaXNoZXIy MjI2Mw==