213 ORATIONES SUPER POPULUM Orationes sequentes adhiberi possunt, ad libitum sacerdotis, in fine celebrationis Missæ, aut liturgiæ verbi, aut Officii, aut Sacramentorum. Diaconus, vel, eo deficiente, ipse sacerdos, dicit invitatorium: Inclináte vos ad benedictiónem, vel aliis verbis expressum. Deinde sacerdos, manibus super populum extensis, dicit orationem, omnibus respondentibus: Amen. Post orationem, sacerdos semper subdit: Et benedíctio Dei omnipoténtis, Patris, et Fílii, ✠ et Spíritus Sancti, descéndat super vos et máneat semper. ℟. Amen. In festis Sanctorum 1. Exsúltet, Dómine, pópulus christiánus de magnórum Fílii tui glorificatióne membrórum, et in quorum est celebritáte tibi devótus, partem acquírat in eórum sorte perpétua, atque de tua glória semper congáudeat. Per Christum Dóminum nostrum. ℟. Amen. 2. Plebis tuæ, quǽsumus, Dómine, ad te semper corda convérte, et quam tantis facis patrocíniis adiuvári, perpétuis non désinas gubernáre præsídiis. Per Christum Dóminum nostrum. ℟. Amen.
RkJQdWJsaXNoZXIy MjI2Mw==