212 ORDO MISSÆ II. In Celebrationibus de Sanctis 9. De beata Maria Virgine Deus, qui per beátæ Maríæ Vírginis partum genus humánum sua vóluit benignitáte redímere, sua vos dignétur benedictióne ditáre. ℟. Amen. Eiúsque semper et ubíque patrocínia sentiátis, per quam auctórem vitæ suscípere meruístis. ℟. Amen. Et qui hodiérna die devótis méntibus convenístis, spiritálium gaudiórum cælestiúmque præmiórum vobíscum múnera reportétis. ℟. Amen. Et benedíctio Dei omnipoténtis, Patris, et Fílii, ✠ et Spíritus Sancti, descéndat super vos et máneat semper. ℟. Amen. III. Aliæ Benedictiones 10. In celebrationibus pro defunctis Benedícat vos Deus totíus consolatiónis, qui hóminem ineffábili bonitáte creávit, et in resurrectióne Unigéniti sui spem credéntibus resurgéndi concéssit. ℟. Amen. Nobis, qui vívimus, véniam tríbuat pro peccátis, et ómnibus defúnctis locum concédat lucis et pacis. ℟. Amen. Ut omnes cum Christo sine fine felíciter vivámus, quem resurrexísse a mórtuis veráciter crédimus. ℟. Amen. Et benedíctio Dei omnipoténtis, Patris, et Fílii, ✠ et Spíritus Sancti, descéndat super vos et máneat semper. ℟. Amen.
RkJQdWJsaXNoZXIy MjI2Mw==