238 Die 16 novembris BEATÆ MARIÆ VIRGINIS DE MISERICORDIA Festum Ant. ad introitum Salve Regína misericórdiæ, Mater Christi gloriósa, solámen pæniténtium ac spes miserórum. Dicitur Glória in excélsis. COLLECTA Deus, cuius misericórdiæ non est númerus, concéde nobis, intercedénte beáta María Vírgine, misericórdiæ Matre, ut, cleméntiam tuam experiéntes in terris, glóriam cónsequi mereámur in cælis. Per Dóminum nostrum Iesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum. SUPER OBLATA Súscipe, Dómine, múnera pópuli tui, et præsta, ut, qui beátam Vírginem cólimus Matrem misericórdiæ, misericórdes in fratres non exhibéntes, indulgéntem erga nos te inveníre mereámur. Per Christum Dóminum nostrum. PRÆFATIO DE SANCTA MARIA, REGINA ET MATER MISERICORDIÆ Beata Virgo, regina pietatis, mater misericordiæ ℣. Dóminus vobíscum. ℟. Et cum spíritu tuo. ℣. Sursum corda. ℟. Habémus ad Dóminum. ℣. Grátias agámus Dómino Deo nostro. ℟. Dignum et iustum est.
RkJQdWJsaXNoZXIy MjI2Mw==