BENEDICTIONES SOLLEMNES 209 Concédat ut, sicut Christus post resurrectiónem suam visus est discípulis maniféstus, ita vobis in iudícium véniens appáreat pro æternitáte placátus. ℟. Amen. Et qui eum consedére Patri in sua créditis maiestáte, ipsum usque in finem sǽculi vobíscum permanére secúndum eius promissiónem læti valeátis experíre. ℟. Amen. Et benedíctio Dei omnipoténtis, Patris, et Fílii, ✠ et Spíritus Sancti, descéndat super vos et máneat semper. ℟. Amen. 3. Per annum, I Benedícat vobis Dóminus, et custódiat vos. ℟. Amen. Illúminet fáciem suam super vos, et misereátur vestri. ℟. Amen. Convértat vultum suum ad vos, et donet vobis suam pacem. ℟. Amen. Et benedíctio Dei omnipoténtis, Patris, et Fílii, ✠ et Spíritus Sancti, descéndat super vos et máneat semper. ℟. Amen. 4. Per annum, II Pax Dei, quæ exsúperat omnem sensum, custódiat corda vestra et intellegéntias vestras in sciéntia et caritáte Dei, et Fílii sui, Dómini nostri Iesu Christi. ℟. Amen.
RkJQdWJsaXNoZXIy MjI2Mw==